亦妮扮大牌犯眾憎　o靚模齊指證

2011年港姐季軍許亦妮早前被爆搭上太陽集團有米高層盧啟邦（Andrew），男方公司有份投資電影《喜愛夜蒲3》，許亦妮恃着「老闆娘」身份蝦蝦霸霸，被數四宗罪包括扮大牌、恰新人、搶人衫及卸膊，當中2010年落選港姐文凱玲（Connie）、「寸嘴Barbie」夏尉喻及郭穎兒（Celia K.）首當其衝，即使伍詠薇、雨僑及何佩瑜（Jeana）都要受她氣，許亦妮犯眾憎，昨日遭眾女指證！

許亦妮拍攝處女電影《喜愛夜蒲3》時，正跟Andrew熱戀，難怪恃寵生驕，對同片𡃁模大擺阿姐款，據知寸嘴Barbie有次路過許亦妮身後，許亦妮指摘她偷看其手機。貪靚許亦妮又私改造型，對工作人員態度惡劣，甚至有人目睹她推開女髮型師，令對方淚灑當場。許亦妮又妒忌Connie的私伙靚衫，甚至搶了她的衫出鏡。拍戲時遇上街景，演員要當街等候，但許亦妮就不屑離隊到附近髮型屋休息，埋位又姍姍來遲，連累Jeana、雨僑及伍姑娘呆等，許亦妮的四宗罪惹怒台前幕後！

[img]http://static.apple.nextmedia.com/images/apple-photos/apple/20131105/large/05ec1p1.jpg[/img]
■許亦妮昨日於尖沙嘴出席活動，谷胸上陣搶風頭。

[b]「個個叫佢老闆娘」[/b]
許亦妮惡行遭雨僑、Connie、寸嘴Barbie及Celia K.杯葛，四女結成一黨，Jeana未有加入做獨行俠，不過眾女昨分別表示有聽聞許亦妮於片場耍大牌，當中雨僑昨在電話嘆三聲：「我唔係搞是非嘅人，冇人恰到我，拍呢部戲我有準備私伙衫，但我有助手跟場，冇人敢攞我啲衫，我承認為搶衫出現好多問題！」她表明戲外跟許亦妮不是朋友：「我哋私下冇聯絡。」Jeana昨也揶揄許亦妮：「個個叫佢老闆娘，我當然唔敢亂嚟。」是否坐埋一邊觀戰？Jeana說：「我坐埋一邊等order啫，始終群戲要等埋，在所難免。」

[img]http://static.apple.nextmedia.com/images/apple-photos/apple/20131105/large/05ec1p2.jpg[/img]
■《喜愛夜蒲3》拍攝以來是非多多。資料圖片

[img]http://static.apple.nextmedia.com/images/apple-photos/apple/20131105/large/05ec1p5.jpg[/img]
■《喜愛夜蒲3》曾於蘭桂坊取景，想不到鏡頭後是非更精采。資料圖片

伍詠薇坦承有場許亦妮與陳柏宇的吊威吔戲，她等了很久：「嗰日等乜嘢人定係等打燈我就唔清楚，當時邊吹水邊等，我着住bra top要喺街等，都幾尷尬。」而寸嘴Barbie昨在電話承認彼此有拗撬：「啱啱開戲時係有拗撬，可能我份人儍更更，唔覺意得罪人。」可有聽聞許亦妮態度囂張？寸嘴Barbie說：「我有聽過佢同工作人員有爭執同磨擦，但冇親眼見過，唔敢講邊個引起。」
記者昨致電許亦妮求證，但她說：「我當然話係冇！拍吊威吔嗰場戲，我係有需要喺樓上，佢哋企樓下，係劇情需要，我邊有咁大power！好多場戲遇上落雨，我頭髮散晒，係導演叫我上髮型屋set番。我真係冇搶Connie啲衫，所有衫都係劇組提供。」她亦不信遭𡃁模群起指證：「雖然我同佢哋唔熟，但不致於大家講到咁唔好。」

[img]http://static.apple.nextmedia.com/images/apple-photos/apple/20131105/small/05ec1p3.jpg[/img]
■雨僑坦言跟許亦妮私下不是朋友。資料圖片

[img]http://static.apple.nextmedia.com/images/apple-photos/apple/20131105/small/05ec1p4.jpg[/img]
■蔡恩真谷出怪胸，一見難忘。

[b]寸舊愛親熱相驚嚇[/b]
許亦妮昨與蔡恩真在尖沙嘴出席時裝活動，許谷胸搶盡風頭。下周三便25歲牛一的她，談到舊愛Andrew即改口供說：「我𠵱家單身，我同佢冇一齊，當時大家係認識吓，唔係拍拖。」對於Connie貼出被Andrew咀的相，許亦妮說：「我哋唔係拍拖，何來撬牆腳？萬聖節可能做啲驚嚇嘢。」她希望早日覓得真命天子。


[b]「老闆娘」四宗罪[/b]

[img]http://static.apple.nextmedia.com/images/apple-photos/apple/20131105/small/20131105c1g1.jpg[/img]
【第1宗罪：激喊拍檔】文凱玲為求衣着更稱身及稱心，自掏腰包買私伙衫作拍攝用，女主角許亦妮嫌棄電影公司安排的服裝非名牌，竟不問自取攞走文凱玲的私伙衫，文凱玲嬲到喊！

[img]http://static.apple.nextmedia.com/images/apple-photos/apple/20131105/small/20131105c1g4.jpg[/img]
【第2宗罪：亂發脾氣】許亦妮在salon整頭時低頭玩手機，其時「寸嘴Barbie」夏尉喻經過，一心跟髮型師打招呼，但許亦妮發脾氣鬧夏尉喻沒禮貌，騷擾髮型師整頭，更鬧人偷睇她的手機。

[img]http://static.apple.nextmedia.com/images/apple-photos/apple/20131105/small/20131105c1g3.jpg[/img]
【第3宗罪：左改右改】作為電影新人，應服從公司安排，但許亦妮對造型或髮型經常不大滿意，私下要求梳妝服左改右改，但當導演發覺不妥而追究時，許亦妮即卸膊指是其他人的意思。

[img]http://static.apple.nextmedia.com/images/apple-photos/apple/20131105/small/20131105c1g2.jpg[/img]
【第4宗罪：要人呆等】某日在蘭桂坊拍攝街景時，伍詠薇、雨僑及郭穎兒都在拍攝地點等候，惟獨是在附近salon的許亦妮，聽到要埋位時才施施然整頭，硬要劇組在街頭等足半粒鐘！

來源:蘋果日報網站