[轉]傅穎 羅仲謙 - [圖+影]傅穎爆大鑊 羅仲謙頹爆解畫

[img]http://hotlink.go2tutor.com/img_passage/oibipdmbcwlvfgolyrtxc.jpg[/img]
傅穎 羅仲謙

傅穎爆大鑊被羅仲謙打

一直死口唔認與羅仲謙拍拖的傅穎，昨日趁出發往北京發展前，首度承認與羅仲謙的戀情，一年半來復合又分手，更爆對方腳踏四船兼在上月曾出手打自己！據知，男方的小三、小四更涉圈中人。羅仲謙為保名聲急開記招，他指曾被傅穎check電話而有爭執，相信是制止她時有所推撞。
[img]http://orientaldaily.on.cc/cnt/entertainment/20110821/photo/0821-00282-001b1.jpg?t=1314068189890[/img]
傅穎 羅仲謙

傅穎昨日自爆遭羅仲謙暴力對待，惹來公司非常不滿。

自言今天會往北京長時間發展兼「定居」的傅穎，昨日出席時裝活動時，提到她在微博暗示曾被情傷兼受暴力對待，傅穎初時欲言又止，後來被再三追問下，她才說：「我唔想畀人話我模棱兩可、想搵嘢講，我每次講嘢都有顧慮，但句句係真心話，總之我係感情身心受創。」她續稱想往北京前放低不快事：「唔想精神虐待自己，只係想抒發感受，要放低鬱結，唔係為宣傳。」
[img]http://orientaldaily.on.cc/cnt/entertainment/20110821/photo/0821-00282-001b2.jpg?t=1314068225078[/img]
傅穎 羅仲謙

羅仲謙一臉無奈離開記招，沒有回應記者任何問題。

唔止一次背叛一臉委屈的傅穎說：「件事（拍拖）係出碟時，我有同羅仲謙一齊過，分開唔止一次、背叛亦唔止一次，呢段關係身心受創。我係一個女仔，過咗去唔想再諗，亦唔想成日都講。（你哋幾時一齊？）我哋拖拉咗年半，係2010年開始同佢一齊，當時唔知佢有女友。我唔想再放喺心度，精神折磨自己。我最錯嘅事係同番佢一齊，再發現佢背叛我，佢根本冇同女友分開，仲要同多兩個女仔一齊，對我打擊好大！個心好難受，身體都有受傷！」
問到是否被羅仲謙打？傅穎停頓數秒後才說：「有人問我，我就話係跌親，都過去咗。（即係羅仲謙有郁手？）總之唔係跌親。（點解打你？）因為我揭穿咗佢（指一腳踏四船）！（有冇諗過報警？）我冇諗過，我唔想畀人話我製造話題，我依家冇出書冇出碟，想走之前放下包袱，唔想再提呢個人個名。」
問到當初復合是否羅仲謙應承和女友分開？傅穎說：「係，我最錯係同番佢一齊，我好自責。（幾時真正分開？）上年分開，隔幾個月又一齊，直至上月分開。（幾時向你郁手？）上月打我，我哋真正分開原因係發現佢有其他女仔，我哋為呢件事嗌交。（對你出拳？有冇用武器？）冇用武器！」據知，羅仲謙的小三、小四涉及圈中人。
[img]http://orientaldaily.on.cc/cnt/entertainment/20110821/photo/0821-00282-001b3.jpg?t=1314068251546[/img]
傅穎 羅仲謙

羅仲謙出席記招時眼濕濕。
[img]http://orientaldaily.on.cc/cnt/entertainment/20110821/photo/0821-00282-001b4.jpg?t=1314068314390[/img]
傅穎 羅仲謙
傅穎看完謙仔的電話後非常激動，男方即時出手制止。

驚動異性朋友傅穎突然自爆和羅仲謙的恩怨情仇，令兩人同屬的經理人公司陣腳大亂，並安排原本昨午為新劇《On Call 36小時》開工的羅仲謙，立刻返公司舉行記招。
昨午五時許，一身黑衣打扮的羅仲謙神情肅穆，並眼泛淚光示人。他最先「唉」了一聲，才戰戰兢兢地說：「我上次處理得唔係咁好，不過，我好珍惜同佢之間嘅感情，所以有搵番佢，感覺上有機會，冇耐又喺埋一齊。但基於信任問題成日鬧交，亦都曾驚動異性朋友。有次佢check我電話嘈起上嚟，佢情緒好激動，手舞足蹈，我要諗方法制止佢，可能咁樣整到佢。之後大家發現冇晒信心，好難喺埋一齊，所以決定分手。」羅仲謙語畢即表現欲哭無淚的樣子，問到會否向傅穎道歉及感後悔時，經理人李小姐即以趕開工為由避答。之後他到北區醫院開工，拍了約一小時後先到九龍灣取車後返回大埔住所。
據知兩人復合後，傅穎不時檢查羅仲謙的手機紀錄，如查到有異性來電，會自行直接致電對方問與羅仲謙有何關係，而羅仲謙身邊朋友亦指不信男方出手打人，認為可能是誤會而有所推撞。
[img]http://orientaldaily.on.cc/cnt/entertainment/20110821/photo/0821-00282-001b5.jpg?t=1314068335203[/img]
傅穎 羅仲謙

傅穎偷看謙仔電話，令男方非常不滿。（設計圖片）
[img]http://orientaldaily.on.cc/cnt/entertainment/20110821/photo/0821-00282-001b6.jpg?t=1314068354609[/img]
傅穎 羅仲謙

傅穎看完謙仔的電話後非常激動，男方即時出手制止。（設計圖片）
[img]http://orientaldaily.on.cc/cnt/entertainment/20110821/photo/0821-00282-001b7.jpg?t=1314068163218[/img]
傅穎 羅仲謙

羅仲謙昨晚由工作人員陪同返大埔住所。





星皓極為不滿據知，傅穎與謙仔這次復合，經理人公司星皓事前毫不知情，星皓對此極為不滿，決定取消傅穎北京所有工作，惹來雪藏揣測。記者致電發言人李小姐求證，李小姐說：「由於事出突然，公司唔知佢講啲咁嘅嘢，所以要佢先留港處理同交代晒事件先。」而星皓老闆王海峰亦在微博力斥傅穎不聽話：「私人事私人處理，我三番四次話不要公開討論，有甚麼可向公司反映，但今次是公司不知情的情況發生，有人連我的說話也不聽，所以我也不會管。」
影片:傅穎揭陷 5角戀　爆遭羅仲謙打
[youtube]Vr37xtqtBpY[/youtube]


影片:傅穎自揭遭羅仲謙虐打
[youtube]QXAO7L8Lw_Y[/youtube]


影片:傅穎首度公開與羅仲謙恩怨
[youtube]IUZjarAAV1Y[/youtube]


[size=15pt][b]羅仲謙頹爆解畫 冇嗒落選港姐[/size][/b]

日前傅穎大爆與前男友羅仲謙之間的感情風波，昨日又有消息指謙仔與落選港姐蔡慧欣搭上，飽受負面新聞困擾的謙仔非常頭痕，昨日一臉委屈澄清緋聞。
[img]http://orientaldaily.on.cc/cnt/entertainment/20110823/photo/0823-00282-018b1.jpg?t=1314068826046[/img]
傅穎 羅仲謙

羅仲謙負面新聞不斷，他接受訪問時一臉委屈。




[img]http://orientaldaily.on.cc/cnt/entertainment/20110823/photo/0823-00282-018b2.jpg?t=1314068849562[/img]
傅穎 羅仲謙

傅穎

[img]http://orientaldaily.on.cc/cnt/entertainment/20110823/photo/0823-00282-018b3.jpg?t=1314068865390[/img]
傅穎 羅仲謙

蔡慧欣到台灣拍特輯時，被傳與羅仲謙撻着。（資料圖片）



傅穎自爆曾與羅仲謙拍拖，更聲稱期間遭對方暴力對待，亦懷疑他一腳踏幾船，昨日又有消息指謙仔擔任今屆港姐嘉賓到台灣拍特輯時，與佳麗M蔡慧欣搭上。謙仔經理人公司星皓公司見事態嚴重，昨日立即叫記者到無綫電視城，指謙仔會交代事件。






承認朋友關係羅仲謙在入廠拍攝劇集《On Call 36小時》前會見半百傳媒，甫到場的他笑容欠奉，然後一臉委屈兼眼紅紅地說：「我想同大家講一番說話。就今日嘅報道，我想話我同今屆港姐M蔡慧欣係朋友，並冇乜嘢親密短訊或肉麻嘅相稱，就係咁多。」問到有關傅穎遭雪藏和有否與蔡慧欣聯絡等問題時，他未有回答便匆匆離開。
由於三言兩語未能交代事件來龍去脈，記者要求他再次接受訪問，他派出助手上前合十兼躬鞠以示歉意。擾攘十分鐘後，羅仲謙再次現身，只將同一番說話再講一次，並說：「有關傅穎嘅事，公司處理緊，唔方便講任何嘢。」記者追問有否與蔡慧欣聯絡、怎看被封賤男、有否感到被人利用和日後會否帶眼識人等問題時，他均沒有回答便返回劇組開工。
傅穎繼續潛水另外，為情身心受傷的傅穎繼續潛水，盛傳星皓因不滿她不聽話，要求跟她解約，並向她索償為她墊支的百萬元。星皓營運總裁陳小姐對此說：「依家公司要了解咗件事先，細節唔回應。」對於傅穎踢爆羅仲謙一腳踏四船，盛傳落選港姐蔡慧欣是其中一人，傅穎透過公司說：「唔再回應。」而蔡慧欣至截稿前尚未回覆。

[size=20pt][b]傅穎失業發爛渣　羅仲謙憔悴否認媾蔡慧欣[/size][/b]
傅穎（ Theresa）日前驚爆與羅仲謙上月分手，力數遭男方暴力對待，踢爆謙仔一腳踏四船， Theresa即被星皓打入冷宮，工作無限期暫停，有傳 Theresa情緒失控兼發爛渣。謙仔則一波未平一波又起，被踢爆搭上今屆落選港姐 13號蔡慧欣，被封為新一代賤男，昨日他在電視城憔悴否認緋聞，心情似乎大受影響。

[img]http://hk.apple.nextmedia.com//images/apple-photos/apple/20110823/large/23ee5p5.jpg[/img]
[size=8pt]被封為賤男的羅仲謙，昨日一臉憔悴在電視城回應傳聞。[/size]

下月 27歲生日的傅穎，日前出席公開場合忽然玩自爆，承認與羅仲謙於去年相戀，但踢爆謙仔花心，與她拍拖時一腳踏四船，又力數曾遭謙仔暴力對待，昨日更有消息指謙仔搭上今屆落選港姐 13號蔡慧欣。

[img]http://hk.apple.nextmedia.com/images/apple-photos/apple/20110823/large/23ee5p6a.jpg[/img]
[size=8pt]下月 27歲生日的傅穎最愛爆料造新聞，豈料今次搞出個大頭佛。[/size]

[img]http://hk.apple.nextmedia.com/images/apple-photos/apple/20110823/large/23ee5p8a.jpg[/img]
[size=8pt]傅穎和羅仲謙去年拍攝《熱浪球愛戰》時，原來已發展地下情。資料圖片[/size]

[size=20pt][b]「冇親密短訊」[/size][/b]
[img]http://hk.apple.nextmedia.com/images/apple-photos/apple/20110823/large/23ee5p7a.jpg[/img]
[size=8pt]今屆落選港姐蔡慧欣上圍有 35D，身材比平胸的傅穎更勝一籌。資料圖片[/size]

謙仔昨日下午三時半左右，如常返到將軍澳無綫電視城開拍《 ON CALL 36小時》，他在開工前召開記者會，回應指他搭上今屆落選港姐 13號蔡慧欣，他一臉憔悴地說：「我想講一番說話，我想話同今屆港姐蔡慧欣係朋友，並冇任何親密短訊同肉麻相稱。」但問到傅穎被雪藏時，他沒有回應並被助手拉走。
大約五分鐘後，謙仔的助手合十向記者致歉，她表示謙仔只回應周刊的報道，再三要求下，謙仔再度現身，他說：「我同 Theresa嘅事已經交畀公司處理，我唔方便再講，我今日係回應雜誌報道。」問他有否與蔡慧欣聯絡、下次會否帶眼識人，以及會否擔心被封賤男時，謙仔全部沒有回答便轉身往化妝間。
至於數臭謙仔而激怒公司星皓的 Theresa，老闆王海峰在微博鬧她冇王管，取消她立即飛往北京發展的安排，據知 Theresa得知被公司雪藏後大受打擊，情緒失控，不滿公司偏幫謙仔大發瀾渣，但星皓就否認她情緒有受影響。[節錄...]


影片:羅仲謙為制止傅穎過激受傷
[youtube]8e_-YhqFv_Y[/youtube]

引用:go2tutor.com ,蘋果日報網站