陳奕迅Kay零交流冇膽偷情

[url=http://orientaldaily.on.cc/cnt/entertainment/20091202/00282_007.html]http://orientaldaily.on.cc/cnt/entertainment/20091202/00282_007.html[/url]

陳奕迅（Eason）新歌大唱「偷情」感覺，令他跟謝安琪（Kay）的緋聞再次升溫，二人昨日為音樂會拜神時都顯得有所避忌，全程「零交流」，合照時更企到離行離列。提到偷情，Eason說：「嘩，傻㗎咩？梗係唔夠膽啦！」
環球「Uni-Power大合唱會」今晚舉行，一眾旗下歌手昨日進行拜神儀式，患上感冒的Eason戴住口罩及黑超，精神麻麻，但仍發揮大師兄風範，大合照時不斷向Kay方向招手叫大家站在他身邊，可惜Kay未知是視而不見還是怕身份尷尬，寧願跟隨劉美君齊齊踎低於前排，避開跟Eason並肩而成為焦點。Eason接受訪問時，提到最近囡囡康堤被狗仔隊跟蹤，他說：「真係好唔開心，唔好再騷擾小朋友，我已經忍咗好耐，有咩就跟我囉，大人有責任承擔，但我最低要求係唔好再搞藝人嘅屋企人。」

唔想好歌胎死腹中提到新歌《無人之境》大唱偷情的露骨情節，令他跟Kay的緋聞再次炒起，Eason說：「簡單嚟講係一首好聽嘅歌，不過喺傳緋聞之前已經有㗎喇，我哋都考慮咗好耐唱唔唱好，但唔想一首好嘅作品就咁畀人抹殺咗而胎死腹中，（現實生活夠唔夠膽玩？）嘩，傻㗎咩？梗係唔夠膽啦！」
張繼聰：瞓覺都見到佢Kay表示不清楚Eason派新歌，認為大家毋須太敏感，她說：「只係一首歌啫，（驚被人再炒作緋聞？）冇得驚，最緊要隻歌好聽，等我返去聽吓先！」而她的老公張繼聰出席另一活動時表示自己亦曾唱過有關第三者的作品，但不一定每首歌都是歌手親身經歷，最近非常忙碌的他說：「返屋企都會同太太見到面，瞓覺都一定見到佢。」
另外，李克勤昨日為東亞運開幕式綵排，他笑言入行以來首次於躉船上獻唱《飛花》，所以當晚會食定暈浪丸，以免身體不適影響唱歌。
採訪：音樂組