眼濕濕憶鍾偉明教正字 車淑梅：電台少咗個寶

[url=http://hk.apple.nextmedia.com/template/apple/art_main.php?iss_id=20091128&sec_id=462&subsec_id=830&art_id=13466879]http://hk.apple.nextmedia.com/template/apple/art_main.php?iss_id=20091128&sec_id=462&subsec_id=830&art_id=13466879[/url]

有播音皇帝之稱的鍾偉明昨日乘港鐵上班時暈倒，送院後不治，享年 78歲。一眾港台高層及 DJ對鍾偉明的離世感到很難過，當中車淑梅昨日接受訪問時更感觸得雙眼通紅，她讚鍾偉明耐心教導後輩，又說：「電台少咗個寶。」

資深廣播員鍾偉明暈倒後不治，享年 78歲，多位港台 DJ及高層接到鍾大哥的死訊均感到難以接受，當中以車淑梅表現得最激動，她昨日兩眼通紅地說：「大哥係一個典範，做到立功立德立業，電台少咗個寶。」她指鍾偉明經常糾正所有人的發音，她說：「如果你做節目讀錯字，做完就會見到大哥企喺門口，好溫文咁話番畀你知正確嘅讀法。」車淑梅指鍾偉明每天都健步如飛行返位於三樓的辦公室。

循循善誘教後輩香港電台節目發展總監李再唐表示前日才見過大哥，他說：「佢係謙謙君子， 92年已經要退休，但都繼續服務港台，佢係廣播界嘅代表人物。」
香港電台二台副節目總監馮偉棠則傷感地憶述鍾大哥生前的點滴，大讚他是沒有架子又肯教導後輩的好好先生，他說：「錄廣播劇如果後輩 NG，大哥從來唔黑面。佢錄劇時啲稿會用紅筆 mark晒標點符號，喺佢身上，我學到成功冇僥倖。」馮偉棠透露鍾偉明甚少放假，不發現其身體有問題，只是覺得他這陣子有點疲倦，他說：「佢好鍾意打邊爐，中午都會去打。」
至於五台副節目總監盧世昌指昨早收到警方電話通知他鍾偉明暈倒，他指大哥每日由港鐵站步行返公司，他說：「佢朝早喺樂富飲完早茶就行返工，放工就拎住個袋 fing fing吓好開心咁走。同埋我知佢識功夫，份人活潑又唔古板，同後生冇代溝。」周國豐接受電話訪問時也表示鍾大哥從沒有發脾氣，為人樂觀，對於他的離世感到痛心。

陳麗雲：冇佢冇今日鍾偉明桃李滿門，原來憑電影《天水圍的日與夜》奪金像獎最佳女配角的陳麗雲也是他的門生，對於恩師猝逝，陳麗雲感到很難過，她昨日在電話中說：「想當年我得 12歲，去考麗的呼聲嘅兒童播音劇，佢當時雖然只係得 19歲，但已經係我哋嘅導師，我哋相識咗 59年，冇佢當年賜教，我就冇今日，佢對我嘅成就係功不可沒。」她表示聲演較幕前做戲更難，並指當年鍾偉明指導學生時很嚴格，她說：「恩師份人係 100分嘅好好先生，佢品德同對人態度都值得後輩學習，佢嘅造詣更係完全冇得彈。」
採訪、攝影：比華利、李珮洳