百星拱照台慶亮燈 鄧萃雯缺席明剃 TVB眼眉

無綫為力阻非親生女鄧萃雯爭奪今年視后寶座，刻意將今年台慶頒獎禮押後舉行，並安排《宮心計》和《富貴門》兩台慶劇女主角夾擊雯女。不過，雯女亦不甘示弱，在昨晚無綫台慶亮燈儀式盛會上玩失蹤，寧願留在美國遊山玩水也不返港戥無綫高興，擺明車馬冇面畀，向無綫還以顏色。


無綫 42周年台慶亮燈儀式昨晚在將軍澳電視廣播城舉行，由 101歲六叔邵逸夫主持大局，出席藝員包括昨晚首播的兩部台慶劇《宮心計》和《富貴門》、《畢打自己人》、《有營煮婦》、《巾幗梟雄》、《烈火雄心 III》和《學警狙擊》一眾小生花旦，但《巾》劇只見柴九黎耀祥而不見四奶奶鄧萃雯影蹤。

柴九盼與四奶奶同攞獎
原來雯女之前與黎耀祥及關菊英到美國 Reno賭城登台做騷，之後順道留美探親旅遊。由於之前有傳無綫為力阻雯女攞視后，刻意將今年台慶頒獎禮押後到 12月初舉行，好讓《宮心計》的楊怡、佘詩曼和《富貴門》的袁詠儀、郭可盈加入視后競爭行列，雯女今次寧願旅遊耍樂也不返港出席無綫亮燈盛會，擺明車馬唔畀面，為力阻她登視后一事還以顏色。
昨日問黎耀祥有關雯女缺席原因時，他說：「雯女𠵱家身在美國，之前我同佢去美國登台，佢自己留低探親同玩。」可睇好雯女今年攞視后？祥仔說：「都有機會，但楊怡機會都大。不過，要我揀嘅話梗係揀雯女，最好似柴九、四奶奶同一部劇一齊攞埋獎，咁就係完美結局啦。」可認為無綫力阻雯女攞視后？祥仔說：「無論如何希望雯女攞啲（獎），不過今年女主角競爭係比較激烈嘅。」雯女會否因不滿無綫而缺席？祥仔說：「唔會，係時間上安排問題啫，如果佢喺香港一定會出席，佢美國多朋友，難得去到都會同親友見吓面嘅。」
楊怡：最緊要收視高升近日有消息指郭可盈以生完 BB後回歸無綫作籌碼，誓奪今年視后寶座，令楊怡、阿佘和雯女攞視后美夢成空。原本昨晚可盈隨《富貴門》演員出席亮燈儀式，但臨時卻以身體不適為由缺席。問阿佘睇好那位奪視后時，她說：「睇好楊怡同雯女，總之佢哋一個攞視后，一個就攞最喜愛的女主角。」
對於郭可盈搶視后之說，楊怡昨晚笑說：「好呀好呀！邊一個攞獎都冇所謂，最緊要收視高升。」有指楊怡將與雯女退而求其次力爭我最喜愛的女主角席位，楊怡說：「自己平常心面對，一啲壓力都冇，就算緊張都係緊張個 feedback，邊個攞獎都咁開心。」可覺得自己未是時候攞獎？楊怡說：「係咪時候都係努力嘅地方。部劇今晚先出街，都要畀少少時間觀眾，自己未係好緊張。」
有指楊怡觀眾緣不及雯女，對此楊怡說：「可能調查咁啱揀嗰幾個人出嚟啫。不過，雯女好資深，就算結果點都好，自己唔會失望，呢個可能係事實，喺我心目中雯女係最好嘅。」
楊怡：最緊要收視高升近日有消息指郭可盈以生完 BB後回歸無綫作籌碼，誓奪今年視后寶座，令楊怡、阿佘和雯女攞視后美夢成空。原本昨晚可盈隨《富貴門》演員出席亮燈儀式，但臨時卻以身體不適為由缺席。問阿佘睇好那位奪視后時，她說：「睇好楊怡同雯女，總之佢哋一個攞視后，一個就攞最喜愛的女主角。」
對於郭可盈搶視后之說，楊怡昨晚笑說：「好呀好呀！邊一個攞獎都冇所謂，最緊要收視高升。」有指楊怡將與雯女退而求其次力爭我最喜愛的女主角席位，楊怡說：「自己平常心面對，一啲壓力都冇，就算緊張都係緊張個 feedback，邊個攞獎都咁開心。」可覺得自己未是時候攞獎？楊怡說：「係咪時候都係努力嘅地方。部劇今晚先出街，都要畀少少時間觀眾，自己未係好緊張。」
有指楊怡觀眾緣不及雯女，對此楊怡說：「可能調查咁啱揀嗰幾個人出嚟啫。不過，雯女好資深，就算結果點都好，自己唔會失望，呢個可能係事實，喺我心目中雯女係最好嘅。」

[url=http://hk.apple.nextmedia.com/template/apple/art_main.php?iss_id=20091020&sec_id=462&art_id=13330501]http://hk.apple.nextmedia.com/template/apple/art_main.php?iss_id=20091020&sec_id=462&art_id=13330501[/url]