2009-5-7 12:54
lagee
荃情報喜之濃情蜜意 阿姐、家英賭城蜜月逐格睇
新婚燕爾的汪明荃和羅家英現於美國拉斯維加斯，盡情享受這次愉快蜜月之旅，二人恩愛享盡美食。阿姐返港後即接拍新劇《女王辦公室》，婚後強勢出擊的她，飾演一名失婚而有權威的秘書。
汪明荃與羅家英日前在拉斯維加斯註冊結婚，目前二人仍在當地享受甜蜜新婚之旅，昨日阿姐透過娘家無綫，發放了一些蜜月相片。阿姐與家英哥優悠自得，與家人及姪兒享盡賭城美食，晚晚睇騷、打高爾夫球，過着甜蜜蜜的歡樂時光，阿姐更到賭場顯身手玩老虎機，未知可有斬獲。
打高球嘆美食
據無綫外事部副總監曾醒明說：「阿姐喺電話度語氣好開心，鶽家佢同家人、朋友一齊，阿姐話佢哋食盡美食，又去打高爾夫球，好開心，佢哋 5月9日（後日）會去洛杉磯登台，下星期二（ 12日）返香港，阿姐又話呢幾日有好多朋友傳短訊恭喜佢，不過佢冇辦法逐一回覆，所以透過無綫表示歉意。」
另外，無綫由曾勵珍監製的處境劇《畢打自己人》在明年 1月便功成身退，承接該劇的是由黃偉聲監製、阿姐主演的 80集半小時劇《女王辦公室》，阿姐飾演一名資歷深厚的秘書。
阿姐新劇失婚
據監製黃偉聲說：「阿姐係一個做咗幾十年嘅秘書，係好守規矩，好有原則嘅人，演員仲有何韻詩，佢做阿姐個女，因為講阿姐係失婚女人，同個女意見唔啱，當中有唔少母女情，何韻詩同吳卓羲有感情戲。」鄧梓峰在劇中扮演阿姐的老闆，他昨日在電話中說：「阿姐始終係阿姐，我諗都要克服呢個陰影去畀啲氣勢出嚟，咁我係佢老闆嘛，真係需要少少時間去做心理準備。」
至於曾勵珍旗下台前幕後員工將有兩個月假期，因為《畢打自己人》播映以來全組員工均沒有正式放假休息，剛巧該劇在明年播映完畢，故在曾勵珍要求下，為全組人爭取時間休息，昨日本報記者致電給曾勵珍，她說：「係呀，我哋好耐冇放假，都應該充吓電。」 資料來源：蘋果日報
[attach]500072[/attach][attach]500073[/attach]
[attach]500074[/attach][attach]500075[/attach]
[attach]500076[/attach]
[[i] 本帖最後由 lagee 於 2009-5-7 12:55 編輯 [/i]]